Jose Mourinho është frustruar shumë me neglizhencën e Manchester Unitedit në disfatën prej 1-0 në udhëtim te Baseli në St. Jakob Park.
United ka pasur nevojë vetëm për një pikë për të siguruar kualifikimin dhe të kalojë tutje në fazën e eliminimit direkt si fitues i Grupit A, por kjo dilemë do të vendoset në xhiron tjetër.
Martias, Lukaku, Fellaini dhe Rojo ishin afër golave teksa United dominoi.
FT: FC Basel 1 #MUFC 0. A late goal for the hosts condemns United to defeat in Switzerland. #UCL pic.twitter.com/VSSh8xfS8r
— Manchester United (@ManUtd) November 22, 2017
Baseli shfrytëzoi këto mundësi të humbura duke shënuar një gol në minutën e fundit të ndeshjes dhe si zakonisht Mourinho ishte nervoz.
“Ne kemi humbur për shkak se është dashur të jemi 5-0 në fund të pjesës së parë dhe nuk shënuam përkundër dominimit kaq të madh”.
“Ne e kishim të lehtë në shumë periudha, ishte e pamundshme të mos fitojmë”.
“Por, përvoja na thotë se kur humbisni gjithë ato raste, aëtherë e vini veten në pozitë për të humbur. Në pjesën e dytë, ndoshta ne menduam se 0-0 ishte në rregull, por më pas ata shënuan”, deklaroi Mourinho.
Portugezi refuzoi të fajësojë lojtarë të caktuar, duke thënë se faji u takon të gjithë lojtarëve. /Telegrafi/