Mesfushori Mason Mount ka thënë se iu bë e qartë se nuk ishte në planet e Chelseat dhe për atë vendosi të transferohej te Manchester United.
Reprezentuesi anglez, i cili erdhi përmes akademisë së Bluve, duke marrë një sfidë të re pas 18 vitesh me Chelsean, gjatë së cilës ai bëri 195 paraqitje.
Mount luajti në 35 ndeshje sezonin e kaluar, por shënoi vetëm tre gola dhe nuk ishte titullar i rregullt.
Ai gjithashtu kishte hyrë në vitin e fundit të kontratës së tij në Stamford Bridige, me vendimin e marrë për t’u larguar drejt Old Trafford dhe për të rizbuluar një shkëndijë profesionale.
“Disa muaj më parë, u bë e qartë se unë nuk isha në planet e Chelseat për të ecur përpara. Pasi e kuptova që United ishte i përfshirë, vendimi im u mor”, ka thënë fillimisht Mount për MUTV.
“Një klub i madh, lojtarë të mëdhenj ikonik kanë luajtur këtu, dhe unë doja të isha pjesë e kësaj që në fillim”.
“Ngritja herët dhe gatishmëria për fillimin e para-sezonit ishte gjithashtu një objektiv kryesor i imi”, përfundoi mesfushori anglez. /Telegrafi/