Rafael Leao reagoi teksa trajneri i Spezias, Thiago Motta deklaroi se Aquilotti e meritonte të mundte Milanin në San Siro.
Lojtarët e Mottas arritën fitoren e tretë radhazi si mysafir në një ndeshje emocionuese në Stadio Meazza.
Një gol i vonshëm i Junior Messias u anulua gabimisht disa sekonda para atij të fitores së realizuar nga Emmanuel Gyasi.
Gjyqtari Marco Serra u kërkoi falje lojtarëve të Milanit, por Motta, një ish-mesfushor i Interit, beson se skuadra e tij e meritonte të fitonte.
“Djemtë meritojnë lëvdata, e dinim se ishte një lojë e vështirë kundër një ekipi që është në garë për të fituar titullin. Bëmë mirë deri në fund”, deklaroi ai për DAZN.
“Ne e dimë se Milani është me të vërtetë i fortë, ata kanë lojtarë cilësorë, ata janë sulmues, por mund të lënë pak hapësirë në prapavijë dhe ne e shfrytëzuam atë maksimalisht”.
“Ne mund të kishim shënuar gola të tjerë në pjesën e dytë dhe, në përgjithësi, besoj se e meritonim të fitonim… edhe nëse Leao nuk pajtohet”.
Sulmuesi i Milanit ishte rrugës për në autobusin e ekipit dhe dëgjoi Mottan duke thënë se Spezia e meritonte të fitonte, kështu që ai u sigurua që trajneri të dinte këndvështrimin e tij, siç shpjegohet nga DAZN.
Megjithatë, gazetari nuk arriti të sqaronte se çfarë tha apo bëri Leao. /Telegrafi/