Këngëtaret e njohura të muzikës popullore, Motrat Mustafa, kanë publikuar projektin e tyre më të ri muzikor.
“Shoqja si motër” titullohet kënga e tyre e re, e cila është ritmike dhe u dedikohet lidhjeve të forta që motrat kanë mes vete.
Teksti dhe muzika janë punuar nga kompozitori i njohur, Ilir Berani, ndërsa orkestrimi është bërë nga Studio Xheni në Shkup.
Klipi i këngës është xhiruar në Kosovë dhe sjell një atmosferë të bukur mes motrave, të cilat gjatë gjithë jetës e kanë ndarë karrierën e tyre së bashku.
Ana vizuale i është besuar produksionit të njohur vendor, EMF Creative.
Motrat Mustafa përndryshe vazhdojnë të jenë një emër i kërkuar në zhanrin e muzikës popullore dhe folklorike. /Telegrafi/
