Motra e Cristiano Ronaldos ka nxitur spekulimet se sulmuesi nuk është i lënduar dhe ka humbur derbin e Mançesterit për arsye të ndryshme, pasi ka pëlqyer një postim në Instagram.
Ylli 37-vjeçar mungoi në humbjen 4-1 të Manchester United ndaj Manchester Cityt të dielën, me trajnerin e përkohshëm Ralf Rangnick që pretendon se portugezi kishte “probleme me e ije”.
Mungesa e pesë herë fituesit të Topit të Artë u duk se ishte vënë në pikëpyetje nga motra e tij, Katia Aveiro, e cila pëlqeu një postim në Instagram para ndeshjes që pretendonte se Ronaldo nuk ishte i lënduar dhe se ishte lënë jashtë nga Rangnick.
Postimi, i cili u publikua nga një llogari e njohur e tifozëve të Ronaldos, shkruhej: “Cristiano Ronaldo nuk është i lënduar dhe nuk është i sëmurë. Lojtari është 100 për qind i gatshëm”.
“Mirëmëngjes për ju që, si unë, jeni të trishtuar dhe të zemëruar sepse Rangnick vendosi të prishë të dielën tonë duke lënë jashtë CR7 nga derbi kundër Manchester Cityt thjesht për arsye taktike, për t’u mbrojtur më shumë në lojë”.
Humbja e United në Etihad ishte vetëm ndeshja e dytë e Ligës Premier që Ronaldo i mungon klubit që nga ribashkimi nga Juventusi verën e kaluar.
Duke folur para ndeshjes, ish-kapiteni i United Roy Keane tha se “diçka nuk shkon” për mungesën e Ronaldos nga skuadra.
“Duket se historia e Ronaldos ka më shumë kur një trajner del dhe flet për një problem të ijeve”, tha Keane për Sky Sports.
“Nuk e kuptoj. Ne flasim për Ronaldon që është një makinë dhe shumë rrallë lëndohet, por herë pas here ai del me atë… një problem të ijeve?”.
“Nuk më bind mua”, ka shtuar më tej legjenda e United.
Ndërkohë, The Sun ka pohuar se lojtarët e United u tronditën pasi Ronaldo dështoi t’u bashkohej për takimin e tyre para ndeshjes në hotelin The Loëry në prag të derbit.
Raportimi pretendon se anëtarët e skuadrës së United besojnë se një lojtar aq i vjetër sa Ronaldo duhet t’i bashkohej atyre për mbështetje përpara një ndeshjeje kaq të rëndësishme. /Telegrafi/