Fotografia e mësipërme e modelit të ri të Motorola Droid Turbo ishte postuar në Tëitter nga Evan Blass, dhe në postim thuhej se ky model do të arrijë në Verizon më 29 tetor.
Më parë kemi dëgjuar se Motorola Droid Turbo do të shfaqet në treg me ekranin QHD me diagonalen prej 5.2 inç, rezolucionin prej 2560 x 1440 pikselëve, ndërsa pajisja thuhet se është mundësuar nga procesori 2.7GHz quad core Qualcomm Snapdragon 805.
Karakteristikat e tjera që thuhet se do të ofrohen në Turbo Droid përfshijnë edhe 3GB RAM dhe 32GB memorie të brendshme, bashkë me dy kamerat, në të dyja anët e telefonit.
Në pjesën e përparme Motorola Droid Turbo do të vijë me kamerën prej 2MP për video komunikim, ndërsa në anën e pasme të telefonit do të jetë kamera që mundëson incizimin e videove në 4K, sepse kamera do të jetë me 21MP.
Droid Turbo do të vijë me një bateri prej 3900 mAh dhe një funksion të ri të mbushjes së shpejtë të telefonit, apo për vetëm 15 minuta me 8 orë pune aktive në pajisje, sikurse Nexus 6.
Droid Turbo gjithashtu do të vijë me Android 4.4 Kitkat dhe do të fillojë të ofrohet nga Verizon më 29 tetor, edhe pse ende nuk është dhënë asnjë hollësi mbi çmimet. (Telegrafi)