Një aeroplan i aviokompanisë Southwest është detyruar të bëjë ulje emergjente të martën në Houston, Teksas, pasi njëri nga motorët u përfshi nga zjarri.
Pas minuta pasi ishte ngritur nga pista e aeroporti William P. Hoby, piloti u detyura të ndërroj drejtim dhe të bëjë ulje emergjente për shkak të motorit që po digjej.
Videot amatore shfaqin momentin kur shpërthen motori dhe përfshihet nga zjarri derisa ishte aeroplani duke fluturuar.
Pasagjerët Jordan dhe Lynde Kleineck kanë folur për ABC News për situatën kaotike që ishte krijuar brenda aeroplanit gjatë fluturimit.
“Dëgjuam një zhurmë të madhe dhe filluam të ndjejmë aromën e karburantit”, tha Jordan Kleinecke.
“Kur piloti hyri dhe na tha [se] po ktheheshim [në aeroport], ai mezi e mbaroi atë deklaratë para se të mbyllte mikrofonin. Ne ishim të tillë, ‘Çfarë do të thotë kjo? Çfarë do të thotë kjo ?'”, shtoi Lynde Kleinecke.
Fluturakja ateroi pa ndonjë problem, duke i kaluar rreth 27 minuta në qiell. Aeroplani është nxjerrë nga shërbimi, kurse pasagjerët vazhduan udhëtimin e tyre me një aeroplan tjetër. /Telegrafi/
