Shërbimi Meteorologjik Ushtarak bëri të ditur se ditën e martë territori i Shqipërisë ndikohet nga kushte atmosferike relativisht të paqëndrueshme.
Moti parashikohet me alternime kthjellimesh e vranësirash kryesisht në jug, të cilat nga orët e mesditës parashikohen të shoqërohen me reshje shiu me intensitet të ulët e lokalisht mesatar kryesisht në qarkun e Vlorës dhe të Gjirokastrës. Në mbrëmje pritet ndërprerja e tyre graduale.
Era me drejtim verilindje-veriperëndim me shpejtësi mesatare 10m/sek, ndërsa në lugina dhe bregdet, kryesisht në atë jugperëndimore deri në 16m/sek shoqëruar me dallgëzim në dete 3ballë.
Prezencë e mjegullës së dendur, mjegullinës përgjatë zonave luginore.
Temperaturat parashikohen nga -1 në 17 gradë Celsius. /Telegrafi/