Orët e para të mëngjesit në Shqipëri vijojnë me vranësira të dendura duke gjeneruar reshje të pakta shiu dhe dëbore në zonat malore.
Parashikohet që nga orët e mesditës dhe në vijim të ketë përmirësim të kushteve atmosferike duke larguar gradualisht reshjet nga i gjithë territori i vendit, por mbeten problematike ngricat e theksuara në të gjithë akset rrugore.
Sipas MeteoAlb, orët e vona të natë vijojnë nën mbizotërimin e kthjellimeve dhe vranësirave të shpeshta në të gjithë vendin, por pa reshje.
Temperaturat e ajrit do të pësojnë rritje në vlerat minimale, por maksimalet do të ulen lehtë duke u luhatur nga 0°C deri në 15°C.
Era do fryjë mesatarisht me shpejtësi mbi 40 km/h nga drejtimi veriperëndimor duke bërë që në brigjet detare të gjenerohet dallgëzim mbi 2 ballë. /abcnews.al/