Prokuroria Themelore e Pejës ka ngritur aktakuzë kundër të pandehurit A.B., për shkak të veprave penale “përvetësimi në detyrë” dhe “mashtrimi”, sipas Kodit Penal të Republikës së Kosovës.
Sipas aktakuzës, i pandehuri nga data 19 dhjetor 2017 deri më datë 2 mars të vitit 2018, në komunën e Pejës dhe Istogut, në cilësinë e inkasantit të kompanisë KEDS, kishte përvetësuar shumën e parave prej 290 euro nga të dëmtuarit R.M., Q.K., E.G., dhe N.Z., në emër të inkasimit për energjinë elektrike të shpenzuar dhe për t’i deponuar te zyrat e KEDS-it, mirëpo të njëjtat i kishte përvetësuar.
Të pandehurit, edhe pse iu kishte ndërprerë marrëdhënia e punës nga kompania KEDS më datën 4 maj 2018, i njëjti më datën 28 maj 2018, në Suhogerllë të Istogut, përmes paraqitjes se fakteve të rreme, kishte veshur uniformës e punës duke u paraqitur si punëtor i KEDS-it, kishte përvetësuar shumën e të hollave prej 70 euro, nga të dëmtuarit Sh.S., dhe I.V, kinse për pagesë të energjisë elektrike.
Prokurori i çështjes i ka propozuar gjykatës që i pandehuri të shpallet fajtor dhe të dënohen sipas ligjit.