Mbrojtësi portugez i Barcelonës, Nelson Semedo ka thyer protokollin e vendosur nga qeveria spanjolle dhe La Liga.
Semedo ka marrë pjesë në një ditëlindje të organizuar ku ishin të ftuar më shumë se 15 persona.
Përveç kësaj ai nuk kishte as dorëza, por as maskë të vendosur dhe fotot e videot nga ky organizim ishin shpërndarë menjëherë.
Edhe pse fotot e videot nga ky organizim ishin fshirë, mediat spanjolle kishin ruajtur ato për t’i publikuar.
Barcelona ka reaguar menjëherë, duke përjashtuar nga stërvitja e ditës së sotme reprezentuesin portugez.
Semedo tani do t’i kryej testet për të parë nëse është infektuar me coronavirus, para se Barça ta lejoj të rikthehet në stërvitje.
Gjithnjë sipas medieve spanjolle, Semedon e pret një dënim me të holla nga skuadra e tij Barcelona.
Mirëpo lojtari mund të dënohet edhe nga La Liga për thyerjen e protokollit. /Telegrafi/