Villarreali është fitues i Ligës së Evropës për edicionin 2020/21.
Skuadra spanjolle arriti të fitonte në finale ndaj Manchester United pas ekzekutimit të penalltive 11-10, -pasi koha e rregullt dhe vazhdimet përfunduan me rezultat 1-1.
Për klubin spanjoll ky ishte trofeu i parë në histori të klubit dhe natyrisht gëzimi ishte jashtëzakonisht i madh.
Triumfit të Villarrealit i janë gëzuar edhe tifozët e Liverpoolit, për faktin se kanë rival të urryer Manchester Unitedin.
Për më tepër është përkujdesur mbrojtësi i majtë, Alberto Moreno i cili është futur ‘live’ në Instagram pasi skuadra e tij fitoi.
Moreno festoi me tifozët e Liverpoolit, duke thënë se kjo fitore është edhe për ta, derisa nuk la pa i ngacmuar edhe tifozët e Djajve të Kuq.
Gjithsesi video e Morenoes duke festuar me tifozët e Liverpoolit dhe duke i ofenduar ata të Unitedit është bërë virale në rrjet dhe shumë media botërore janë marrë me të. /Telegrafi/
Alberto Moreno, you’re one of our own ❤️pic.twitter.com/CfABn0EIs4
— Watch LFC (@Watch_LFC) May 26, 2021