Massimo Moratti mendon se Interi i ka treguar të gjithëve se mund të fitojë Scudetton.
Gjithashtu mendon se klauzola e Mauro Icardit prej 110 milionë euro duhet të rritet.
“Dje (e diel) ishte një ndeshje e madhe, Interi luajti shumë mirë”, ka thënë Moratti për Premium Sport.
“Scudetto? Interi gjithmonë fillon sezonin me objektiva për të fituar, por këtë herë ka bazë. Është e mundur”.
“Juventus-Inter? Do jetë një ndeshje e madhe, dy skuadrat po luajnë mirë, kanë karakter dhe po shkojnë drejt kulmit”.
“Spalletti? Çdo trajner është ndryshe, por Spalletti është shumë i mirë”.
“Rritja e klauzolës së Icardit? Bordi do të përkujdeset për atë, mendoj se do e bëjnë”, ka shtuar ish-presidenti. /Telegrafi/