Interi po zhgënjen me rezultatet e fundit dhe trajneri Roberto Mancini duket se nuk ka më ide, pasi i ka provuar të gjitha, por objektivat e fillimit të sezonit sa vijën e largohen.
Presidenti i nderit të Interit, Massimo Moratti, i cili aktualisht zotëron vetëm një pjesë të vogël të aksioneve të zikaltërve ka dalë para mediave për të analizuar situatën e nderë të klubit të tij të zemrës.
“Mancini është një trajner i zoti dhe jam i bindur se do ta nxjerrë Interin nga situata që po kalon”.
“Thonë që lojtarët nuk mbështesin më trajnerin e tyre, por besoj se këto janë shpikje të mediave, pasi tek Interi nuk mund të ndodhë kurrë një gjë e tillë. Për momentin, ekipi ka treguar pak reagim dhe duket se të gjithë lojtarët janë në depresion”.
“Besoj se shumë shpejt Interi do t’i rikthehet garës për të kapur objektivat e sezonit, por jo me paraqitjen e fundjavës kundër Juventusit. U bëj thirrje fansave të mbështetin klubin, pasi jam i bindur se situata do të kthehet në normalitet”, ka thënë Moratti.