Sulmuesi i Real Madridit, Alvaro Morata nuk e përjashton mundësinë që gjatë kësaj verë të transferohet në Premier League.
Mediat britanike shkruajnë se spanjolli është i lidhur me transferimin tek Chelsea e Antonio Conte, trajner më të cilin Morata ka punuar tek Juventusi, transmeton KosovaPress.
Spanjolli duke folur për mediat angleze, ka thënë se nëse vjen ndonjë ofertë e mirë nuk do ta refuzonte.
“Në qoftë se do të vjen një ofertë e tillë, unë nuk do t’ia mbyllë derën. Në qoftë se unë do të largohem një ditë, unë jam i sigurt se do të shkoj në Premier League”, tha Morata.
Ish-sulmuesi i Juventusit nuk është i kënaqur me periudhën që po kalon tek ‘Los Blancos’, sepse ai akoma nuk e ka siguruar vendin e titullarit në skuadrën e Zinedine Zidane.