Alvaro Morata ka folur për fitoren e Real Madridit ndaj Real Sociedadit dhe golin e shënuar në këtë ndeshjes.
Sulmuesi spanjoll u fut në mesin e pjesës së dytë si zëvendësues i Karim Benzemas dhe arriti të jap ndikimin e tij, duke shënuar golin e tretë, i cili ishte i sigurisë për Real Madridin.
“Fitorja sonte ishte e domosdoshme. E dinim këtë. Duhej të fitonim patjetër këtë ndeshje”, ka thënë fillimisht Morata pas ndeshjes, përcjell Telegrafi.
“Personalisht jam i lumtur që kam shënuar dhe kam ndihmuar skuadrën te fitojë, pasi Sociedad është në gjendje të luaj futboll të mirë, kështu që ne e dinim se sa e rëndësishme do te ishte nëse do e linim fushën me tre pikët në shtëpi”.
“Gjysma e golit tim ishte meritë e Vazquezit sepse ai më dhuroi një harkim perfekt. Ai është nje mik dhe një futbollist i madh. Shpresoj të vazhdoj kështu”, përfundoi sulmuesi spanjoll. /Telegrafi/