Agjencia Moody’s është pesimiste edhe sa i përket ardhmërisë së afërt greke. Ndërkohë Greqia ka kumtuar se ulja e vlerësimeve për aftësitë e saj të pagesave nuk do të ndërpresë përpjekjet e qeverisë në Athinë për përshpejtimin e reformave dhe daljen nga kriza.
Ekspertët e BE-së janë duke vlerësuar aktualisht në Athinë nëse Greqia po përparon në procesin e uljes së borxheve prej rreth 350 miliardë euro. Nga këto vlerësime varet nëse do të paguhet kësti i pestë i kredive emergjente në vlerë prej 12 miliardë eurosh. /Telegrafi/