Vincenzo Montella ka deklaruar se kritikat ndaj Milanit janë të drejta, por paralajmëron që skuadra nuk do ta humb shkëlqimin dhe do kthehet shpejt te paraqitjet e mira.
Rossonerët u mposhtën dje (e diel) nga Sampdoria me rezultat 2-0, ku me rezultatin dhe mënyrën e humbjes është rritur presioni mbi trajnerin Montella, i cili ka thënë se kritikat ndaj skuadrës janë të drejta, por do ta kthejnë shpejt mentalitetin fitues.
“Mendoj se kritikat janë objektivisht të drejta”, ka thënë fillimisht Montella për Milan TV.
“Të gjithë pajtohemi se paraqitja ndaj Sampdorias ishte nën nivelin e Milanit. Qëllimi im është të kuptoj pse ndodhi kjo dhe do përpiqem të ndërhyj”.
“Ne folëm me klubin së pari dhe pastaj me lojtarët, jemi të vetëdijshëm se duhet të krijojmë një mentalitet fitues shumë shpejt. Duhet të krijojmë një mentalitet dhe të arrijmë një ekuilibër”.
“Duhet të pranojmë kritikat, të balancohemi dhe të mos humbim shkëlqimin e diçkaje në analizimin e gjithçkaje”.
“Nuk kemi nevojë të kërkojmë një ose më shumë fajtorë, klubi më ka kërkuar që të ndërhyjë dhe të mos përsëriten këto paraqitje”.
“Mbi të gjitha ne duhet të punojmë në qëndrueshmërinë e paraqitjeve tona dhe kjo fillon me mentalitetin”.
“Mendimet fitimprurëse ndërtohen me kalimin e kohës dhe nganjëherë mund të pengoheni. Nëse jemi të mençur, të përgatitur dhe të qartë; këto rënie mund të rrisin nivelin tonë konkurrues”, përfundoi trajneri italian. /Telegrafi/
"We're aware we have to create a winning mentality and we have to do it fast" ?
Watch Coach Montella's interview with @MilanTV ?? pic.twitter.com/M9IiIVpDOM— AC Milan (@acmilan) September 25, 2017