Trajneri i Milanit, Vincenzo Montella, pas fitores ndaj Pescaras ka folur edhe për situatën e krijuar nga Carlos Baccas në momentin e zëvendësimit, ku lojtari kolumbian nuk ishte i lumtur.
Tekniku italian ka thënë se kjo është normale dhe se ai nuk ka asnjë problem dhe është i gatshëm t’i jap edhe shpjegimi sulmuesit në rast se është e nevojshme.
“Doli i hidhëruar, nuk e di çfarë kishte. Ndoshta se nuk bëri paraqitje të mirë, por kam parë lojtarët të bënin edhe më keq pas zëvendësimit”.
“Nga ana ime nuk ka asnjë problem, në rast se ai dëshiron sqarime jam në dispozicion. Luiz Adriano është futur dhe ka bërë një ndeshje të mirë, bëri atë që i kërkova dhe çfarë ne kishim nevojë. Jam i lumtur”, ka thënë Montella për Milan TV. /Telegrafi/
https://www.youtube.com/watch?v=iw6HnWF5wIs