Vincenzo Montella insiston se Leonardo Bonucci nuk ka hequr dorë nga pozita e kapitenit të Milanit.
Qendër-mbrojtësit i është dhënë pozita e kapitenit te kuqezinjtë menjëherë pas transferimit të tij nga Juventusi gjatë verës, por u raportua se italiani pas kartonit të kuq ndaj Genoas ia ka ofruar Riccardo Montolivos shiritin e kapitenit për lojërat në vazhdim.
“E di që kur gjërat nuk shkojnë mirë, ato bëhen të mëdha”, ka thënë Montella në konferencën për media para ndeshjes ndaj Chievos.
“Bonucci asnjëherë nuk ka thënë se do të heq dorë nga shiriti i kapitenit, këto gjëra thuhen për ta na bezdisur”.
“Chievo nuk ka humbur që nga 9 shtatori, ata kanë skuadër me eksperiencë dhe konkurruese, duhet të përballemi me mençuri”.
“Jemi duke gjetur balancin, duhet vetëm të fillojmë të marrim pikë”, ka thënë Montella.
Aktualisht Milani renditet në pozitën e 11 me 13 pikë. /Telegrafi/