Ministrja franceze për Evropë, Amelie de Montchalin para fillimit të Këshillit për Çështje të Përgjithshme të BE-së mbron qëndrimin e Francës për reforma për procesin e negociatave dhe theksoi se ajo nuk funksionon kështu siç është, përcjell Telegrafi Maqedoni.
“Ne nuk i ndryshojmë rregullat në mes të lojës që kanë filluar, shikojmë se procesi nuk funksionon sepse është shumë i ngadalshëm për atë që marrin pjesë në të. Procesi nuk është i udhëhequr politikisht, ka automatizëm dhe popujt para se gjithash gjenden në të. Shikoni sa emigracion ka, sa ikje të trurit nga Serbia, Mali i Zi, dhe para tyre Bullgaria, Rumania dhe Kroacia kur negociohet”, tha Montchalin.
Franca para disa javëve ka dorëzuar propozime për reforma të metodologjisë së bisedimeve deri tek vendet anëtare që të hapet debat në kuadër të BE-së dhe vlerëson se ky propozim do të bëjë më efikase negociatat për anëtarësim në BE.
“Duam të shikojmë afrim në nivelin ekonomik, social, kulturorë, jo vetëm në nivelin e drejtësisë”, tha Montchalin./Telegrafi/