Ishte dalja e dytë publike për Monica Bellucci, 54 vjeçe, e cila dukej e mrekullueshme dhe elegante përkrah të dashurit të saj Nicolas Lefebre,36 vjeç në ngjarjen e firmës Cartier në Paris.
Ajo ka folur për të dashurin e ri duke thënë se nuk kanë profesion të njëjtë, por që ndihet e lumtur në krah të tij.
“Njeriu me të cilin e ndaj jetën time nuk ka të njëjtën punë si unë, por udhëton shumë. Ritmi i jetës së tij plotëson kërkesat e mia jetësore”, tha ajo.
E pyetur nëse do ta konsideronte një martesë, zeshkania ka pohuar se për momentin nuk po planifikon të shkoj drejt altarit të martesës.
“Kur keni lënë pas vete dy martesa, duhet të kini kohë për të menduar për këtë para se sërish të kurorëzoheni, për të kuptuar pse ndodhi dhe përse u shkurorëzuam. Le të themi se jam në fazën e të mësuarit për momentin”, pohoi aktorja.
Ndryshe, Monica ishte martuar me fotografin e modës, Claudio Carlos Basso, nga viti 1990 deri më 1994 dhe më pas me Vincer Cassel nga viti 1999 deri në vitin 2015. /Telegrafi/
