Pasagjerët që ishin në dy anije gjigante u frikësuan tej mase kur panë se ato u përplasën me njëra-tjetrën, duke bërë kështu që të dëgjohet një zhurmë shumë e madhe.
Bëhet fjalë për anijet MSC Poesia dhe MSC Orchestra, që të dyja në pronësi të kompanisë zvicerane MSC Cruises, ndërsa përplasja ka ndodhur në portin detar të Buenos Airesit të Argjentinës, transmeton Telegrafi.
Videoja e publikuar më poshtë që është filmuar nga pushuesit, shfaq momentin kur dy anijet përplasen derisa po tentonin të silleshin dhe të nisen në destinacionet e parapara.
Megjithatë, ishin kapitenët e anijeve që reaguan me kohë për të shmangur dëmet më të mëdha materiale, ndërkaq nuk raportohet për të lënduar. /Telegrafi/
