Ky është momenti kur një grup vrasësish me pagesë organizojnë një pritë për zyrtarët policorë të cilët i qëllojnë me pushkë automatike, ku si pasojë mbetën të vrarë katër prej tyre.
Sulmi i planifikuar ka ndodhur më 28 tetor në Almoloya de Alqusirias, komunë kjo 85 milje në jugperëndim të Mexico City, transmeton Telegrafi.
Videoja besohet të jetë filmuar nga “sicarios” apo vrasësit me pagesë, që janë anëtarë të kartelit të drogës “La Familia Michocana”.
Aty shihen të paktën shtatë vrasës me pagesë duke pritur në mal, duke i bërë gati armët para se të shkrepnin qindra plumba në drejtim të veturës së policisë.
Në fillim të videos, personi prapa kamerës dëgjohet duke folur në gjuhën meksikane, duke thënë “Komandant, po vijmë të shpëtojmë. Do të vrasim policët e shtetit, sepse po i fusin hundës në biznesin tonë”.
Më pas ai e drejton kamerën kah personat e tjerë të armatosur dhe që kishin veshur jelek antiplumb. Dhe në momentin që shfaqet vetura e policisë pak metra larg tyre, ata hapin zjarr në drejtim të tyre.
Por, ishte breshëria e plumbave që e bëri veturën të rrokulliset, dhe një polic të dalë me shpejtësi dhe të strehohet në një vend më të sigurt.
Të shtënat kanë zgjatur më shumë se 55 sekonda, ku raportohet se katër policisë janë vrarë. Policia ka njoftuar se kanë arrestuar njërin nga personat e armatosur kurse videoja do të shërbej si dëshmi kundër tij. /Telegrafi/
