Zyra e sherifit në qarkun Martin në Florida ka publikuar pamjet e para të dyshuarit për tentim-vrasjen e Donald Trumpit, Ryan Routh i cili arrestohet.
Kamerat e vendosura në uniformat e zyrtarëve policorë, shfaqin oficerët e armatosur duke i bërtitur të dyshuarit nga i cili kërkojnë të lëviz mbrapa.
Duke mbajtur duart pas kokës, ata i afrohen me kujdes dhe më pas ia vendosin poshtë duart dhe e prangosin, transmeton Telegrafi.
Nga zyra e sherifit gjithashtu janë postuar fotografitë e Routh, ku shihet duke qëndruar pranë oficerëve pak sekonda pas arrestimit të tij.
Ky është tentim i dytë për ta vrarë ish-presidentin amerikan Donald Trump, i cili javë më parë u ballafaqua me një situatë të ngjashme.
Madje në sulmin e parë ai ishte qëlluar me një plumb në vesh, duke i shkaktuar vetëm plagë të lehta.
E i dyshuari ishte neutralizuar nga pjesëtarët e Shërbimit Sekret. /Telegrafi/
