Ky është momenti kur adoleshenti që qëlloi për vdekje 17 persona në një shkollë të mesme në Florida, përplaset për tokë nga policia dhe prangoset.
Nikolas Cruz, 19-vjeç, i cili kreu sulmin në shkollën Marjory Stoneman Douglas” në Parkland gjatë të mërkurës pasdite, ishte i armatosur me pushkë automatike, por vetëm një orë pas incidentit të tmerrshëm u arrestua në Coral Springs, transmeton Telegrafi.
Në videon e publikuar më poshtë, shihet Cruz duke qëndruar i shtrirë në tokë dhe me duart e ngritura lart si shenjë dorëzimi, derisa policët i mbajnë ia drejtojnë revolet dhe një tjetër vrapon për ta prangosur.
Autoritetet e sigurisë kanë njoftuar se ai “është arrestuar pa rezistuar”, ku më pas është dërguar në spital dhe më pas në burg.
Cruz ishte i armatosur me pushkë automatike të tipit AR-15 dhe kishte disa karikatorë tjerë më vete, granatë tymi të cilën e përdori kur u fut në shkollë me maskë të gazit.
Hetuesit janë duke shqyrtuar mundësinë, nëse Cruz kishte ndezur alarmin e zjarrit për të krijuar panik tek nxënësit në momentin e sulmit.
Florida nuk e ka në fuqi ligjin me dënim me vdekje, edhe pse është ende herët të konfirmohet se çfarë akuza rëndojnë mbi të. Viktima e parë e të shtënave masive është identifikuar si një 46-vjeçar i quajtur Chris Hixon. /Telegrafi/
