Pamjet dramatike nga kamera trupore kapën momentin kur oficerët e policisë në SHBA shpëtuan një vajzë gjashtëvjeçare nga makina e një rrëmbyesi të dyshuar.
Sipas medieve të huaja, përcjell Telegrafi, fëmija, që nuk është identifikuar, po luante jashtë shtëpisë së familjes së saj në Valley Station, Kentucky, gjatë pasdites më 2 korrik.
Robby Wildt, 40-vjeçar, kishte parë gjashtëvjeçaren dhe ndaloi makinën e tij Dodge Charger, e rrëmbeu vajzën dhe u largua, sipas Departamentit të Policisë në Lousville.
Fqinji Prentiss Weatherford, po qëndronte në verandën e tij dhe ishte dëshmitar i këtij rrëmbimi.
Weatherford dhe babai i tij morën makinën e tyre dhe ndoqën automjetin e të dyshuarit, duke marrë tre shifrat e fundit të targës së makinës.
Gjatë ndjekjes, Weatherford u ndesh me një oficer policie i cili ishte thirrur në vendngjarje nga dikush tjetër, dhe ia dha numrin e targës së të dyshuarit.
Oficerët gjetën makinën Dodge të kuq të parkuar në një rrugë automobilistike, shpëtuan vajzën dhe arrestuan autorin e dyshuar. /Telegrafi/