Ky është një moment rrëqethës, kur një foshnje shpëtohet nga rrënojat e ndërtesës së bombarduar gjatë sulmeve ajrore në pjesën lindore të Ghouta në Siri.
Shkatërrimet janë aq të mëdha dhe ndërtesat janë pothuajse të rrafshuara në tokë, sa që është e pamundur të mendosh se nën këto rrënoja mund të nxirret dikush i gjallë, transmeton Telegrafi.
Por një postim i publikuar nga forcat mbrojtëse të Sirisë, shfaqin Ismail Alabdullah, i cili mrekullisht arrin ta nxjerr të gjallë vogëlushen që ishte mbetur e ngujuar nën rrënojat e ndërtesës së bombarduar.
Vajza e vogël raportohet të jetë në gjendje të mirë shëndetësore, edhe pse ka pësuar lëndime të lehta trupore. /Telegrafi/
