Disa pamje të kapura nga kamera thuhet se tregojnë momentin kur një rrufe goditi në çatinë e një shtëpie, duke shkaktuar një zjarr shkatërrues.
Sipas mediave të huaja, përcjell Telegrafi, shtëpia në Sidnein perëndimor u shkatërrua nga flakët pasi një stuhi e fuqishme goditi të gjithë qytetin, Blue Mountains dhe Central Coast.
Siç bëhet e ditur, zjarrfikësit gjetën shtëpinë e Glenmore Park të përfshirë nga flakët të cilat ishin kërcënuese për t’u përhapur në shtëpitë fqinje.
Momenti i pabesueshëm i goditjes së rrufesë u kap nga një kamerë e një makine që kalonte andej, pavarësisht kushteve të motit.
“Raportet fillestare tregojnë se shtëpia është goditur nga rrufeja, duke shkaktuar zjarrin”, kanë thënë autoritetet.
Stuhia thuhet se solli shi të dendur, breshër dhe erëra të forta që shkaktuan, ndër tjerash edhe shembjen e çatisë së një qendre tregtare. /Telegrafi/