Kamerat e sigurisë kanë kapur momentin shokues, kur një baba i dy fëmijëve sulmohet në rrugë nga një person i cili e ther dhjetë herë me thikë.
Pamjet rrëqethëse janë publikuar nga policia, ku shfaqet 51-vjeçari Steven Trowsdale duke u therur me thikë nga një burrë që besohet të jetë fqinji i tij, transmeton Telegrafi.
Steven është therur katër herë në gjoks, katër herë në shpinë dhe dy herë në krahë.
Ai qëndroi në koma për dy ditë, por fatmirësisht gjendja e tij shëndetësore është përmirësuar dhe tani pritet të lirohet nga spitali. /Telegrafi/
