Momenti kur gazetari i televizionit shtetëror iranian, kumton lajmin për vdekjen e presidentit Ebrahim Raisi

Televizioni shtetëror ka publikuar pamjet kur konfirmohet vdekja e presidentit Ebrahim Raisi, pasi helikopteri më të cilin po udhëtonte u rrëzuar në një zonë malore në veriperëndim të Iranit.

Gazetari i televizionit iranian kishte ndërprerë transmetimit e paraparë në axhendë për ta kumtuar lajmin për vdekjen e Raisit, ministrit të Jashtëm si dhe gjashtë zyrtarëve tjerë, transmeton Telegrafi.

Raisi ishte nisur për në Azerbajxhan për inaugurimin e një dige të re si dhe do të ndiqte disa ngjarje tjera, ku në mesin e të cilave ishte paraparë edhe takimi me homologun nga Azerbajxhani.

Lexo po ashtu Zëvendëspresidenti i Iranit merr postin e presidentit, ka 50 ditë për të organizuar zgjedhjet – kush është Mohammad Mokhber?

Deri më tani është konfirmuar identiteti i pesë personave, por mbeten edhe tre tjerë që akoma nuk dihet identiteti i tyre dhe që ishin në helikopterin e rrëzuar.

Tërheqja e trupave të pajetë nga zona malore është kryer, kurse droni turk ishte ai që lokalizoi mbetet e helikopterit të rrëzuar iranian. /Telegrafi/