Tetë turistë vdiqën dhe 23 të tjerë u plagosën në një sulm turk në një vendpushim malor në provincën veriore të Irakut, Dohuk, tha të mërkurën media shtetërore e Irakut.
“Bombardimi i ashpër i artilerisë” goditi një vendpushim në Zakho, një qytet në kufirin midis rajonit të Kurdistanit të Irakut dhe Turqisë, tha televizioni shtetëror.
Në mesin e viktimave ishin fëmijë, përfshirë një 1-vjeçar, tha ministri kurd i shëndetësisë në një deklaratë, duke shtuar se të gjitha viktimat vdiqën para se të arrinin në spital, raporton reuters.
The moment Turkish artillery bombed a tourist resort in Zakho pic.twitter.com/ee4vlAH9Fr
— Kurdistan 24 English (@K24English) July 20, 2022
“Ne shkojmë drejt malit, ka sulme. Ne shkojmë drejt ujëvarës, ka goditje. Ne shkojmë nga kjo anë, ka raketime”, tha Mustafa Aala, 24 vjeç, i cili ishte në resort me një mik kur ndodhi sulmi.
Ministria e Jashtme e Turqisë tha se Ankaraja ishte e pikëlluar kur dëgjoi për viktimat në sulm dhe shtoi se Turqia u kujdes maksimal për të shmangur viktimat civile ose dëmtimin e vendeve historike, kulturore në operacionet e saj kundër terrorizmit dhe milicisë së jashtëligjshme të Partisë së Punëtorëve të Kurdistanit (PKK) dhe të tjerët.
“Turqia është e gatshme të ndërmarrë çdo hap që e vërteta të dalë në shesh”, njoftoi ministria në një deklaratë, duke shtuar se operacionet ushtarake turke ishin në përputhje me ligjet ndërkombëtare.
Ndryshe, Ministria turke e Mbrojtjes tha në një deklaratë se dy militantë të PKK-së ishin dorëzuar në një pikë të sigurisë turke në pikën kufitare Habur me Irakun, e cila është rreth 10 km nga Zakho, por nuk përmendi sulmin.
🔴 #BREAKING | Turkey has attacked civilians and tourists in the Iraqi Kurdistan city #Zakho with heavy artillery. At least six are dead and dozens injured, including children. Details to follow… pic.twitter.com/bXNvTEiBxZ
— MedyaNews (@medyanews_) July 20, 2022
Turqia kryen rregullisht sulme ajrore në Irakun verior dhe ka dërguar komando për të mbështetur ofensivat e saj si pjesë e një fushate të gjatë në Irak dhe Siri kundër militantëve të PKK-së kurde dhe milicisë kurde siriane YPG.
Ndryshe, Ankaraja i konsideron të dyja si grupe terroriste gjersa shumë shtete i konsiderojnë të tillë. /Telegrafi/
Kararlı operasyonlarımız neticesinde PKK’lı teröristler teslim olmaya devam ediyor. Irak kuzeyinden kaçan 2 PKK’lı terörist Habur’da hudut karakolumuza teslim oldu.#MSB pic.twitter.com/COv4M9HkrZ
— T.C. Millî Savunma Bakanlığı (@tcsavunma) July 20, 2022