Ky është momenti kur një ari u kthye kundër drejtuesit dhe e shtriu në tokë përpara spektatorëve të tronditur në një shfaqje cirku në Kinë.
Kafsha, e quajtur Xiong Xiong, bëri lëvizjen e saj të papritur në mes të shfaqjes në një cirk në qytetin Huzhou të martën e kaluar, shkruajnë mediat e huaja, përcjell Telegrafi.
Pamjet tregojnë ariun dhe dy artistët që qëndrojnë në skenë në mes të një akti kur kafsha vendos të godasë një nga interpretuesit në tokë.
Kështu, një burrë tjetër nxiton për të ndihmuar kolegun e tij të çlirohet nga kontrolli i fuqishëm i bishës.
Mediat kineze raportuan se u deshën deri në gjashtë punonjës të cirkut për të shpëtuar artistin dhe për ta vendosur ariun në kafazin e tij, ndërsa spektatorët e habitur e shikonin me frikë. /Telegrafi/