Imazhet dramatike nga ajri kanë kapur një anije peshkimi duke u fundosur ngadalë nën valë pasi u rrëzua pranë një pjese të rrezikshme të Detit të Veriut.
Sipas mediave të huaja, përcjell Telegrafi, Ocean Maid BA55 u përmbys të hënën në mëngjes në brigjet skoceze të Fraserburgh, Aberdeenshire, Skoci.
Për fat të mirë, katër anëtarë të ekuipazhit në bord ishin në gjendje të shpëtonin duke përdorur një gomone shpëtimi dhe një varkë shpëtimi.
Institucioni Kombëtar i Shpëtimit Fraserburgh (RNLI) iu përgjigj thirrjes në orën 5:56 të mëngjesit të së hënës dhe ishte në gjendje të drejtonte ekuipazhin drejt një vendi të sigurt.
Anija nuk kishte udhëtuar gjatë kur u përball me telashe, duke u futur në një ‘njollë të zezë famëkeqe’ nga Cairnbulg Beacon, e cila thuhet se “ka marrë me vete” shumë anije të tjera në vitet e mëparshme.
Pamjet ajrore të Ocean Maid tregojnë anijen e zbrazët që përmbyset, duke i dhënë asaj një pamje të frikshme sikur po bie në një zbrazëti oqeanike. /Telegrafi/