Një vajzë e re përjetoi befasinë e jetës kur kuptoi se LeBron James ishte ulur pranë saj në ndeshjen ndërmjet Los Angeles Lakers dhe Golden State Warriors.
Basketbollisti i lënduar udhëtoi drejt San Franciscos për ta shikuar ndeshjen, ndërsa u ul pranë 12-vjeçares Gaia dhe vëllait të saj, Liam.
Pamjet tregojnë momentin kur LeBron ulet në tribuna pranë vajzës, e cila fillimisht nuk e kupton se kush është.
This fan was stunned that LeBron James was sitting next to her!pic.twitter.com/nVDRd7Zuyt
— 𝐓𝐚𝐥𝐤𝐢𝐧' 𝐍𝐁𝐀 (@_Talkin_NBA) February 12, 2023
Por, pasi e shikon edhe një herë, e merr vesh se është James dhe reagimi i saj është bërë hit në mediat sociale.
Gazetarja e ESPN, Lisa Salters, ka shkuar drejt publikut dhe e ka intervistuar Gaian lidhur me përjetimet e saj për uljen pranë ‘Mbretit’. Gjatë gjithë kohës së intervistës, basketbollisti qëndronte aty pranë.
“I kërkova këto bileta më shumë se tre muaj më parë, sepse isha shumë e emocionuar. Në të vërtetë shpresoja që LeBron ta thyente rekordin në këtë lojë, ndërsa kur ai e theu atë, thashë me vete: ‘Urime’”.
ESPN's Lisa Salters interviews the 12-year old girl that got starstruck when LeBron James sat next to her.#LakeShowpic.twitter.com/i7bFuVtQjT https://t.co/9b6WGKEVen
— 𝐓𝐚𝐥𝐤𝐢𝐧' 𝐍𝐁𝐀 (@_Talkin_NBA) February 12, 2023
“Kur ai përfundoi ulur këtu, unë nuk jam aq e gjatë sa ai, kështu që mund t’ia shihja vetëm këpucët. Pastaj, shikova lart, e pashë LeBron Jamesin, ndërsa çfarë më shkoi në mendje ishte: ‘O Zot, lojtari më i mirë i të gjitha kohërave në basketboll është ulur pranë meje”.
“U çmenda krejtësisht. Thashë me vete: ‘Oh Zot, ky është momenti më i mirë i jetës time”, ka rrëfyer Gaia. /Telegrafi/