Ceremonia e Çmimeve SAG 2025 ishte e mbushur me momente virale, duke bërë që yjet të tërhiqnin vëmendjen – ndonjëherë edhe pa dashje.
Një nga çastet më të komentuara ishte ai i Harrison Ford, i cili, pa e kuptuar, vodhi vëmendjen gjatë monologut të koleges së tij Jessica Williams.
Ndërsa ajo mbante një fjalim të përzemërt, Harrison u kap nga kamerat duke ngrënë qetësisht një meze, duke shkaktuar të qeshura në publik, shkruan DailyMail.
Jessica, e vetëdijshme për momentin gazmor, reagoi me humor: “I thashë të largohej!”.
Ndërkohë, një tjetër skenë që bëri xhiron e rrjeteve sociale ishte takimi i rrallë publik mes Ariana Grande dhe Ethan Slater, të cilët kanë qenë në qendër të vëmendjes për romancën e tyre të përfolur.
Pavarësisht se kanë shmangur daljet e përbashkëta, ata u panë duke biseduar dhe madje duke shkëmbyer një shtrëngim duarsh brenda ceremonisë.
Nga gafat argëtuese te momentet surprizuese, SAG Awards 2025 u sigurua që të mbetej në qendër të diskutimeve për një kohë të gjatë. /Telegrafi/
