Telegrafi

Mohimi i golit të Giroud dhe rasti i humbur nga më pak se një metër nga Werner po bënë bujë të madhe në rrjetet sociale

Sulmuesi i Chelseat, Timo Werner ka përfunduar në çdo medium pas një rasti të pabesueshëm, ku ia mohoi golin bashkëlojtarit të tij, Olivier Giroud, teksa vet nuk shënoi nga më pak se një metër.

Chelsea fitoi me rezultat 3-1 ndaj Leeds United në ndeshjen e vlefshme për javën e 11-të në Ligën Premier.

Golat në këtë ndeshje u shënuan nga Olivier Giroud (27’) Kurt Zouma (61’) dhe Christian Pulisic (90+) për Blutë, ndërsa Patrick Bamford (4’) për Leedsin.

Lexo po ashtu Chelsea mposht Leedsin dhe bëhet lider në Ligën Premier

Megjithatë, një rast i minutës së tetë me akter gjermanin Werner ka pushtuar rrjetet sociale.

Werner u mundua të fusë topin në rrjetë nga një afërsi prej një metër, por bërë një huqje të jashtëzakonshme.

Kjo nuk ishte e tëra pasi kjo po cilësohet si mohim i golit të Giroud, pasi topi po shkonte drejt rrjetës.

Ky rast nga sulmuesi gjerman ka pushtuar rrjetet sociale, ndërsa përdoruesit kanë mendime të ndryshme rreth kësaj huqje. /Telegrafi/