Sipas Moggit, pas largimit të sulmuesit Zlatan Ibrahimovic drejt Barcelonës, nerazurët duhej të nënshkruanin një lojtar më ndryshe, pasi tash duhet ta ndryshojnë planin e lojës.
“Interi, pavarësisht se humbi Superkupën e Italisë, mbetet një ekip i fuqishëm. Nuk dua të përsëris veten, por këtë vit ata do të detyrohen të ndryshojnë shumë. Me Ibrahimovic ata kishin një lojtar i cili udhëhiqte ekipin, por me Milito dhe Eto’o, ata kanë dy lojtarë të rëndësishëm, por më ndryshe”, ka deklaruar Moggi.
“Tash ekipi duhet të luajë dhe të përkrahë sulmuesit. Në Pekin, sulmuesit ishin tepër të izoluar dhe mendoj se kjo është dëshmi se mesfusha nuk funksionon. Sidoqoftë, edhe kështu ata do të mund të fitojnë në Itali, por jo edhe në Ligën e Kampionëve”, ka shtuar italiani.