Mesfushori i Real Madridit, Luka Modric ka thënë se janë gati për ndeshjen kthyese gjysmëfinale ndaj Manchester Cityt, në kuadër të Ligës së Kampionëve.
Reali takohet me Cityn në ndeshjen e dytë gjysmëfinale të Ligës së Kampionëve me rezultatin e ndeshjes së parë 1-1 dhe gjithçka të hupur për sot në Etihad.
“Ne po ndihemi mirë. Duhet ta shijojmë këtë moment që po përjetojmë, sepse rekordi ynë i arritjes në kaq shumë gjysmëfinale dhe finale është mbresëlënës. Me të vërtetë mezi presim ndeshjen”, ka thënë fillimisht Modric.
“Kemi luajtur shumë herë këtë lloj ndeshjeje dhe unë mund të shoh besimin, qetësinë dhe besimin tek shokët e mi dhe trajneri. Kjo është ajo që shoh çdo ditë dhe ajo që shoh sot. Shpresoj që të performojmë mirë dhe të shkojmë në finale, kjo do të ishte e pabesueshme”.
“Ne nuk ishim mirë në 20 minutat e para të ndeshjes së parë dhe ata ishin pak më mirë, por ne u përmirësuam shumë dhe performuam më mirë. Kaluam në epërsi dhe ndoshta mund të kishim një gol tjetër, por ata barazuan”.
“E dinim që fituesi do të vendosej në ndeshjen e dytë. Po bëjmë mirë dhe jemi në nivel. Detajet e vogla do të përcaktojnë finalistët sepse është një ndeshje mes dy skuadrave të mëdha me lojtarë të mirë”.
“Duhet të jemi të fokusuar, të qëndrojmë bashkë dhe të japim më të mirën tonë. Shpresoj që kjo të mjaftojë për të arritur një finale tjetër”.
“Çdo ndeshje është një histori e ndryshme dhe kurrë nuk e dini se çfarë mund të ndodhë në fushë. Ju duhet të qëndroni të përqendruar në çdo lojë, në çdo top dhe të ndihmoni shokët e skuadrës. Mendoj se do të përballemi me sfidën dhe do të arrijmë në një tjetër finale”, përfundoi ylli kroat. /Telegrafi/