Luka Modric i Real Madridit, thotë se ai dëshiron të përfundojë karrierën e tij me 11-të herë kampionët e Evropës.
Mesfushori kroat iu bashkua me ‘Los Blancos’ nga skuadra e Ligës Premier, Tottenham Hotspur në vitin 2012, duke ndihmuar ekipin të fitojë dy Liga të Kampionëve dhe një Copa Del Rey, gjatë kohës së tij në Santiago Bernabeu deri më tani.
Kjo kohë e suksesshme e kaluar në Madrid, ka bërë që mesfushori kroat të dashurohet me klubin spanjoll duke dëshiruar që të varë këpucët në gozhdë pikërisht te kjo skuadër.
“Mund të ketë skuadra të interesuara për mua, por askush tjetër nuk më intereson mua përveç Real Madridit”, ka thënë Modric për Sportske Novosti, transmeton Telegrafi.
“Misioni im është që të jem në Madrid për aq kohë sa klubi dëshiron që unë të qëndroj dhe dëshira ime është ta përfundoj karrierën këtu”, ka përfunduar mesfushori kroat, i cili është emëruar edhe kapiten i kombëtares pas pensionimit të Darijo Srnas. /Telegrafi/