Gazetarja simpatike e sportit, Sabina Mete, ka rrëfyer shumë incidente dhe situata të sikletshme që i kishin ndodhur gjatë raportimit të drejtpërdrejtë dhe jo vetëm.
Gjatë pjesëmarrjes në “Ftesë në 5” me Bieta Sulon, 23 vjeçarja ka treguar se kohë më parë kishte pranuar një mesazh në llogarinë e saj në Instagram nga futbollisti i njohur francez, Adil Rami – transmeton Top Channel.
Ai kishte shprehur dëshirën që Sabina ta intervistonte, ndërkohë që kjo e fundit nuk i kishte kushtuar shumë rëndësi derisa kishte mësuar nga kolegët se bëhej fjalë për ish- të dashurin e Pamela Anderson.
Sabina pranoi se biseda me të nuk vijoi për shumë gjatë, por u ndërpre pas disa mesazheve që ata shkëmbyen.
Rami, i cili aktualisht është pjesë e Fenerbahces në Turqi, jo rrallëherë ka qenë i përfolur për lidhje me bukuroshe të njohura për publikun.
