Modelja ruse Viktoria Odintcova ka pohuar se nuk ia ka kthyer mesazhin Cristiano Ronaldos, i cili duket t’i ketë shkruar asaj në privat.
Zeshkania kaçurrela është e ndjekur nga afro pesë milionë ndjekës në rrjetin social Instagram, shkruan The Sun.
Dhe një nga këta ndjekës ka qenë një nga emrat më të njohur të futbollit në planet, i cili raportohet se vendosi të provonte fatin e tij me këtë bukuroshe.
Duke folur në emisionin rus ‘Makarena’, ajo u pyet nëse superylli i Juventus-it ndonjëherë i ka pëlqyer ndonjë nga postimet e saj.
26-vjeçarja tha: “Kjo ndodhi … Ai (Ronaldo) madje më shkruajti. Ishte kohë më parë. Ai shkroi: “Përshëndetje, si jeni?”.
“Unë e fshiva mesazhin dhe nuk u përgjigja”, tregoi më tej ajo.
Odintcova shtoi: “Sigurisht që nuk i dhashë një shans, hajde! Unë njoh disa vajza të tjera me të cilat ai i shkruajti, kështu që e kuptova menjëherë për çfarë më kishte shkruar”.
Ronaldo dhe Georgina Rodriguez janë bashkë që nga viti 2016 dhe kanë një vajzë së bashku të quajtur Alana.
Futbollisti i famshëm Neymar dhe kampioni botëror i Formula 1, Lewis Hamilton kanë pasur më shumë sukses me modelen Odintcova, megjithëse bukuroshja ishte e prirur të tregonte që miqësia e tyre ishte rreptësisht platonike.
Ajo shtoi: “Personi më i famshëm në librin tim të telefonit është Lewis Hamilton. Herën e fundit që ai më shkroi ishte 15 nëntori, për të më uruar ditëlindjen time”.
“Ne jemi miq, thjesht i shkruajmë njëri-tjetrit dhe thërrasim ndonjëherë. Ai është në zonën e miqve”, tregoi më tej ajo.
“Unë shkoj në garat e tij herë pas here, hera e fundit ishte në Soçi (në Grand Prix Ruse). Ne kemi qenë miq për tre vjet. Kur e takova, mezi po flisja anglisht, mund ta kuptoja vetëm atë”, tha 26-vjeçarja.
“Unë jam në kontakt me Neymar, sepse ai është mik me Lewisin, unë e njoh atë përmes Lewisit. E kuptoj që ai është një djalë normal, ne i dërgojmë herë pas here ndonjë mesazh njëri-tjetrit në Instagram”.
Cristiano Ronaldo nuk ka bërë asnjë koment për pretendimet e Odintvocas. /Telegrafi/