Modelja më e famshme me linja të plota, Ashley Graham, kishte njoftuar në muajin gusht se ajo dhe burri i saj ishin duke pritur fëmijën e tyre të parë.
Që nga ajo kohë, 32-vjeçarja ka postuar rregullisht fotografi dhe video që tregojnë ndryshime në trupin e saj gjatë shtatzënisë.
“Kam shtuar 22 kilogramë. Dhe çfarë është më e mira, nuk më intereson. Asnjëherë nuk jam ndier më mirë dhe jam aq mirënjohëse sa trupi im dhe djali im më kanë lejuar të jem aq e lëvizshme dhe fleksibile sa kam qenë më parë”, ka shkruar ajo në një postim në Instagram, transmeton KP.
“Midis stërvitjes, jogës, akupunkturës dhe masazheve limfatike, më në fund ndjehem sikur e kuptova atë shtatzëni dhe si të ndjehem më mirë”, ka shtuar modelja.
Njoftimet e saj i kanë shtyrë shumë nëna që të flasin për shtimin e peshës gjatë shtatzënive.