Blogeret e njohura dhe damat e famshme e dinë mirë se cili trend do të mbizotërojë këtë pranverë. Pra, fjala është për modelin e pantallonave i cili po kthehet nga kohët e harruara.
Ka ardhur koha që edhe ju t’i bashkoheni trendit kryesor për 2018-n, kur është fjala për pantallonat, transmeton Telegrafi.
Në të vërtetë, pantallonat në formë zileje këtë pranverë do t’i pushtojnë rrugët, siç kanë pushtuar profilet e Instagramit të të gjitha vajzave relevante në botën e modës.
Blogerja e njohur Man Repeller ka vendosur që pantallonat në formë zileje t’i kombinojë me xhaketën me dyzen leopardi. Kombinimit i ka shtuar fanellën me vija dhe të gjitha i ka plotësuar me syze dielli dhe këpucë të përshtatura me gjithnjë e më të popullarizuarin llastik për flokë.
Nëse dëshironi të eksperimentoni me modën, ky kombinim do të jetë frymëzim i vërtetë.
Nëse tashmë preferoni klasiken me kombinimin modern, zgjidhni kombinimin e ngjashëm me këtë. /Telegrafi/