Një djalë 8-vjeç nga Japonia ka shfaqur aftësitë e jashtëzakonshme të arteve marciale, duke “rikrijuar” lëvizjet e heroit të tij, Bruce Lee.
Ryusei “Ryuji” Imai nga Nara, ka arritur që në përpikëri të imitoj lëvizjet e stilit Kung Fu të Bruce Lee në një video të shkurtër që e ka realizuar në shtëpi, transmeton Telegrafi.
Vogëlushi i njohur si “mini-Bruce Lee”, e ka realizuar videon një ditë para se të festonte ditëlindjen e tetë. Ai “rikrijoi” lëvizjet ikonike të Bruce Lee nga filmi i njohur “Enter the Dragon”.
Ryusei ka shikuar me pasion filmuat e Bruce Lee që kur ishte njëvjeçar, dhe kishte filluar të ushtroj karate kur mbushi katër vjet. Ky 8-vjeçar vazhdimisht publikon në internet fotografi duke ushtruar dhe numëron rreth 31 mijë ndjekës.
E gjithë familja Imai janë adhurues të flaktë të mjeshtrit të Kung Fusë, Bruce Lee. Babai i tij thotë se vogëlushi çdo mëngjes ushtron rreth 90 minuta, dhe sapo kthehet në shkolla vrapon për një orë dhe në mbrëmje e vazhdon me ushtrime për rreth dy orë tjera. /Telegrafi/
