Doktoresha Zana Luci është përzgjedhur drejtoreshë për repartin e Gjinekologjisë dhe Obstetrikës në klinikën “Asklepios” në qytetin Lindau të Gjermanisë.
Ambasada e Kosovës në Gjermani derisa ka njoftuar për emërimin e saj, ka shkruar se ky është edhe një sukses tjetër nga vajza tona.
“Nga nesër, mjekja nga Kosova, Zana Luci, do të drejtojë Departamentin e Gjinekoligjisë dhe Obstetrikës në klinikën “Asklepios” në qytetin #Lindau. Për emërimin e saj si kryemjeke në këtë departament, ka shkruar edhe mediumi gjerman Wochenblatt. Bravo Zana”, thuhet në njoftimin e ambasadës.
45-vjeçarja, Zana Luci me prejardhje është nga Prishtina, ndërsa studimet për mjekësi i ka kryer në Universitetin e Mjekësisë në Vjenë.
Doktoresha Luci jeton në qytetin Friedrichshafen i cili ndodhet në jug të Gjermanisë./Telegrafi/
