Janë mbyllur sallat e operacioneve dhe departamentit të kirurgjisë në Spitalin e Strugës, pasi kirurgët janë prekur me epideminë e fruthit.
Vendimin për mbylljen për 10 ditë të departamentit e ka marrë Komisioni për infeksione ndër spitalore.
Nga ky Komision për Nova TV, konfirmuan se operacionet nuk do të bëhet, ndërsa rastet urgjente do të dërgohen në spitalin e Ohrit, përcjell Telegrafi Maqedoni.
“Do të punojë vetëm ambulanta. Departamenti do të mbyllet për dhjetë ditë, derisa të kalojë inkubacioni për fruthin, që të mos përhapet”, thanë nga Komisioni për infeksione ndër spitalore.
Ata shtojnë se për momentin nga fruthi janë prekur shtatë mjekë dhe motra medicinale të departamentit kirurgjik, ndërsa nga shpallja e epidemisë gjysma e personelit janë prekur nga epidemia.
Sipas burimeve të Nova TV, kirurgët kanë refuzuar të vaksinohen, ndërsa vaksina kanë pranuar vetëm gjinekologët dhe internistët.
Për gjendjen me epideminë e fruthit në Spitalin e Strugës sot është njoftuar edhe Inspektorati shtetëror shëndetësor sanitar dhe Ministria e Shëndetësisë.
Mjekët nuk e përjashtojnë mundësinë që afati për të mos punuar Departamenti i kirurgjisë të shtyhet edhe për dhjetë ditë tjera./Telegrafi/