Zëdhënësi i ANP “Adem Jashari” Altin Ahmeti tha se deri në orën 12:30 janë realizuar vetëm tre fluturime, por, në orët e pasdites pritet që fluturimet t’i kthehen normalitetit.
“Shumë aeroplanë nuk kanë arritur të aterrojnë në pistën e aeroportit të Prishtinës, dhe kësi soji janë detyruar të zbarkojnë në Selanik, deri në momentet kur fluturimet brenda Kosovës kanë marrë dritën e gjelbër”, ka theksuar Ahmeti. /Telegrafi/