Pronarët e një shtëpie që ndodhet në Leicestershire të Anglisë, janë befasuar kur kuptuan se masa e ngjitshme që rridhte nëpër mure ishte mjaltë.
Tavani i objektit të ndërtuar në shekullin e 18-të, ishte mbushur me bletë të egra, që kishin krijuar hojet dhe jetonin aty për një kohë, transmeton Telegrafi.
Në këtë shtëpi kanë shkuar disa bletarë të zonës, të cilët i kanë larguar insektet pasi t’i kenë trullosur me tym.
Shtëpisë së vjetër i janë shkaktuar dëme të konsiderueshme, ndërsa kompania e sigurimeve nuk do të kompensojë asgjë, sepse nuk parashihet si dëm i mundshëm. /Telegrafi/