Ekipet e shpëtimit po kërkojnë furishëm një helikopter i cili u zhduk në Itali me shtatë persona në bord.
Sipas medieve të huaja, përcjell Telegrafi, helikopteri u ngrit nga aeroporti Capannori Lucca Tassignano në Luca dje në mëngjes pasi u aranzhua privatisht dhe do të mbërrinte në destinacionin e tij në Treviso brenda një ore.
Por helikopteri doli nga radari – duke bërë që zyrtarët të ngrenë alarmin.
Një kërkim midis rajoneve të Toscana-s dhe Emilia-Romagna-s u desh të anulohej mbrëmë dhe të rifillonte këtë mëngjes.
Sipas raportimeve lokale, helikopteri po përdorej nga një kompani e quajtur Roto Court, e cila prodhon produkte higjienike dhe kimikate shtëpiake.
Drejtori i kompanisë Giuliano Gelain i tha agjencisë së lajmeve ANSA se ata ishin “të sigurt” se helikopteri nuk u rrëzua pasi nuk u mor asnjë sinjal emergjence.
Ai tha se helikopteri i bartte klientët për në destinacion dhe i kthente dy herë në ditë.
Helikopteri kishte shtatë persona në bord – piloti italian, katër shtetas turq dhe dy libanezë. /Telegrafi/